СП во ракомет: Франција ја освои бронзата во драматична завршница
Француските ракометари успеаја да го завршат Светското првенство со медал. Тие ги урнаа соништата на Португалија со триумф во мечот за бронзениот медал со резултат 35:34 (19:17).
Еден гол го реши неверојатниот исход на мечот, каде како херој излезе францускиот голман Шарл Бонзингер, кој спаси обид на Португалците во последната секунда од мечот.
Дебитантите во борбата за медал не ги спасија ниту 11 одбрани на Густаво Капдевила, кој на крајот сосема заслужено ја доби наградата за играч на натпреварот. Франција го освои 13-от медал на планетарните првенства и на тој начин продолжи да го негува статусот на репрезентација со најмногу одличја.
Најдобар стрелец на натпреварот беше Ајмерик Мине (10), кој беше единствениот со двоцифрен број на голови на овој меч. Веднаш по него беше Дилан Нахи со шест гола во победничкиот состав.
Што се однесува до Португалија, најефикасни ракометари беа Франциско Коста со осум и пивотот Виктор Итуриза со еден помалку.
Ново на Сител
-
Трибини - Место за гордост или сцена за инциденти?
-
Независните се сомневаат во одлуката на ДИК за кандидирање преку потписи
-
Топлотниот бран донесе зголемен број пациенти со мозочни и срцеви удари
-
Високите температури ги реактивираат пожарите
-
Пожарите во Малешевијата ги десеткуваа пасиштата
-
Климатските промени ги намалија приносите на мед
-
Преглед на вестите од светот
-
Тема на денот со Андреј Петров