СП: Победи за Србија, Шпанија и Русија

На кошаркарскиот мундијал во Кина  уште една доминација на српската репрезентација која одигра ретко виден натпревар против Филипините кој го заврши со триумф од 126-67.

            Дури 37 асистенции беа забележани на овој натпревар на кој противникот едноставно немаше шанса за резултатска борба. Доминираше Бјелица со 20 поени , Богдановиќ заврши со 17 а Никола Јокиќ оствари 11 поени 7 скока и 7 асистенции.

            Најнеизвесно беше на мечот Порторико – Шпанија кој заврши со победа на Шпанците од  73-63.  Домаќинот Кина  беше поразен од Полска со 79-76 додека Русија стигна до втора победа совладувајќи ја Ј. Кореа со 87-73.