Советот за безбедност на ОН го осуди двојниот терористички напад во Истанбул

Советот за безбедност на Обединетите нации го осуди двојниот терористички напад во Истанбул во саботата, во кој загинаа околу 40 лица, а беа ранети над 150.

Членовите на СБ во вчерашното соопштение го означија нападот како „грозоморен и подол“ и побараа виновниците да бидат изведени пред лицето на правдата.

СБ ги повика сите држави активно да соработуваат со властите во Турција во истражувањето на терористичкиот напад согласно своите здолженија во рамки на меѓународното право.