Советот на јавни обвинители даде негативно мислење за разрешувањето на Љупчо Коцевски

Советот на Јавни обвинители го отфрли владиниот предлог за разрешување на државниот обвинител Љупчо Коцевски.. На денешната седница Советот со шест гласови за се спротистави на разрешувањето и донесе негативно мислење. Поддршка на предлогот Коцевски да замине од функцијата, имаше од тројца членови на Советот на јавни обвинители.. 

Пред почеток на седницата, јавноста беше исклучена од расправата, бидејќи како што објаснија, во разгледувањето на предлогот се изнесувале и податоци за тековни досциплински постапки прптив двајца виши обвинители, па неопходно било да се зачува интегритетот на обвинителот Коцевски.

Одлуката на Советот доаѓа по една недела откако премиерот Мицкоски најави дека ќе се стопира постапката за разрешувањето на Коцевски. Рече дека заради истрагата околу трагедијата во Кочани, требало да им се даде простор за работа на обвинителите. Разрешувањето го иницираше Владата бидејќи не била задоволна од работата на Коцевски, предизвикал нарушено меѓучовечки односи и влијаел врз конкретни предмети.