Советите на општините ќе може да ги одржуваат седниците онлајн и по завршување на вонредната состојба

Владата на вчерашната седница ја дополни Уредбата за примена на Законот за локална самоуправа со која им се дава можност на советите на општините и Советот на Град Скопје да ги одржуваат седниците онлајн и по престанокот на вонредната состојба, во услови кога се уште се на сила препораките за заштита од Ковид 19.

Ваквата измена, како што информираат од владината прес-служба, е донесена на предлог на Министерството за локална самоуправа.