Совети и флаери за превенција од топлотен бран во Крива Паланка

Дваесетина волонтери на Општинската организација на Црвен крст од Крива Паланка во соработка со Отсекот за превенција при Полициската станица од општа надлежност Крива Паланка денеска во центарот на градот делеа флаширана вода и флаери со совети за заштита од топлотниот бран.

- Во централното градско подрачје беа поделени над 300 половиналитарски шишиња студена вода за освежување на луѓето во паркот, на случајните минувачи, како и на возачите кои беа запирани, а им беа поделени и едукативни флаери со совети за заштита од топлотниот бран. Флашираната вода е донација од Јавното претпријатие Комуналец од Крива Паланка, а акцијата ја подржа и секторот за превенција при ПС од општа надлежностод нашата општина, со што дадовме придопнес во заштита на нашите сограѓани од превисоките летни температури, изјави Дарко Пешовски, секретар на ОО Црен Крст, Крива Паланка.

Стојмир Стефановски, виш инспектор во Отсеко за превенција при ПС Крива Паланка информираше дека акцијата е во рамки на годишната Програма за превенција, а се реализира во екот на летната туристичка сезона.

Кривопаланчани ја поздравија акцијата, а надлежните препорачаа да се почитуваат препораките од Министерството за здравство и Светската здравствена организација кои важат во вакви услови кога Македонија се наоѓа во алертна фаза со речиси тропски температури.