Соработката меѓу Гевгелија и УНДП ќе биде унапредена со нови проекти
Соработката меѓу општина Гевгелија и УНДП ќе продолжи и ќе биде унапредена со нови проекти и донации, истакна постојаната претставничка на УНДП во земјава, Лујза Винтон на денешната средба во Гевгелија со градоначалникот Сашо Поцков.
Изминативе десетина години со поддршка од УНДП во општина Гевгелија беа реализирани повеќе проекти, а за време на бегалската криза Агенцијата за развој на ОН беше меѓу најголемите донатори на општината.
- Тоа е посебно значајно бидејќи обезбедивме донација од јапонската Влада за подобрување на водоснабдувањето и управувањето со комуналниот отпад. Сега се наоѓаме пред значаен предизвик како за нас така и за општината,а тоа е изградбата на времената депонија за неопасен отпад крај Гевгелија која ќе биде градена според Европски стандарди, рече Винтон нагласувајќи дека изведувачот е веќе избран и дека во тек е тендерската постапка за избор на стручен надзор.
Градоначалникот Сашо Поцков истакна дека со амбасадорката Лујза Винтон се договориле УНДП во идниот период да поддржи проекти во општината кои ќе бидат економски профитабилни, но ќе ги задржат и еколошките заштитни аспекти.
- Концептот на УНДП во потполност се согласува со мојот концепт, а тоа е одржлив економски развој и отворање на нови работни места, но со максимална заштита на животната средина, нагласи Поцков.
Ново на Сител
-
Анализа: Како да нема превиди во помилувањето
-
Паднаа потписи: 4,1 милијарда денари од буџетот на владата за капитални проекти за општините
-
Мицкоски: Доблесно е да се даде оставка,кога ќе се констатира грешка да се преземе одговорност
-
СДСМ за оставките на Комисијата
-
Над 45 милиони евра издвоила државата за правосудството во 2022 година
-
Сдсм бара итна оставка на Христовски, Мицкоски очекува ДКСК да го истражи случајот
-
Бугарија гласа: Седми парламентарни избори за помалку од 4 години
-
Петрушевски: Трошоците за храна и пијалоци се намалени за 1000 денари,мерките даваат резултати