Сообраќајот на автопатот Скопје-Куманово по една коловозна лента поради пожар

Сообраќајот на автопатот Скопје-Куманово, кој беше во прекин поради опожарено патничко возило и сува трева е пуштен по една коловозна лента, информира Автомото сојузот на Македонија.

Сообраќајот на другите патишта во државата се одвива непречено, по суви коловози.

Интензитетот на сообраќај на патните правци надвор од градските средини е зголемен. На граничните премини, од македонската страна нема подолги задржувања за влез и за излез од државата.