Сообраќајна несреќа во Скопје - повредени две деца

Маж и две малолетни деца се здобиле со повреди во сообраќајна несреќа во Скопје, информира МВР. Вчера во 12:30 часот во СВР Скопје било пријавено дека на обиколница на град Скопје, кај Волково, патничко моторно возило „Форд Ка“ со скопски регистерски таблици управувано од 38-годишниот Б.З. од Скопје удрило во заштитните бетонски огради.

Во  незгодата со телесни повреди се здобиле Б.З. и едно дете сопатник на возраст од седум години, додека другото дете сопатник на иста возраст се здобило со тешки телесни повреди констатирани од страна на лекар од Градската општа болница „8-ми Септември“.

Извршен бил увид на местото на настанот од страна на увидна екипа од СВР Скопје и се работи на целосно расчистување на случајот.