Сообраќајка во Автокоманда, со „Опел“ влетал во нотарска канцеларија

Тешка сообраќајка се случила во текот на ноќта во скопската населба Автокоманда. Според фотографиите објавени на социјалните мрежи возило со скопски регистарски таблички излетало од коловозот и завршило во нотарска канцеларија. 

Граѓаните на социјалните мрежи сведочат дека во текот на ноќта се слушнале звуци на кочење и кршење на стакло. 

Ова е втора ваква сообраќајна незгода кога вчера возило влета во угостителски објекти на булеварот „Партизански одреди“. 

Се чини дека скратено работно време на угостителските објекти не е придонесува за поодговорно возење и намалување на бројот на сообраќајни незгоди во пресрет на новогодишната ноќ.