СОНК: Попладне можна средба со Владата

СОНК денеска на прес-конференција најави продолжување на штрајкот во градинките и училиштата поради барањата за усогласување на платите.

– До овој момент немаме взаемен договор со ресорните министри околу нашите барања, очекуваме потврда за средба во попладневните часови, но конкретни информации засега нема ништо. Нашето очекување е дека во интерес на децата во училиштата и колегите кои штрајкуваат, Владата ќе изнајде сили да направи напори да ги усогласи нашите побарувања на СОНК во однос на усогласување на минималната плата на национално ниво. И секако очекуваме договор на динамика за усогласување на платите во образованието во текот на оваа година и годините што ќе следат – изјави претседателот на СОНК Јаким Неделков.

Неделков додаде дека денес попладне и утре јавноста ќе биде информирана за напредокот на разговорите со Владата.