Собранието ќе ја одржи 126.седница
Собранието на Република Македонија денеска ќе ја одржи 126-та седница на чиј дневен ред е Предлог – програмата за одбележување јубилејни годишнини на значајни настани и истакнати личности во 2020 година.
Пратениците ќе расправаат и по предлог – законите за изменување и дополнување на Законот за спречување и заштита од дискриминација, на Законот за семејството, на Законот за превенција, спречување и заштита од семејно насилство и на Законот за еднакви можности на жените и мажите, сите по скратена постапка.
На дневниот ред се и предлог – законите за изменување и дополнување на Законот за доброволно капитално финансирано пензиско осигурување, на Законот за задолжително капитално финансирано пензиско осигурување, на Законот за исплата на пензии и пензиски надоместоци од капитално финансирано пензиско осигурување, по скратена постапка, како и Предлог на закон за изменување на Законот за вработување на инвалидни лица, по скратена постапка.
На оваа седница треба да се дискутира и по Предлог на закон за изменување и дополнување на Законот за заштита од вознемирување на работно место и по Предлог на закон за изменување на Законот за работните односи, по скратена постапка.
Пратениците ќе се изјаснуваат и по предлог – законите за изменување на Законот за практиканство, на Законот за акцизите, на Законот за враќање на дел од данокот на додадена вредност на физичките лица и на Законот за градење, како и за Предлог на закон за утврдување на правен статус на бесправно изградени објекти, сите по скратена постапка.
И Предлог на закон за дополнување на Законот за реализација на инфраструктурни проекти за изградба на патна делница Миладиновци – Штип и патна делница Кичево – Охрид, по скратена постапка е на дневниот ред на собраниската седница.
На денешната собраниска седница се и поголем број предлог-закони за измени и дополнувања од финансискиот сектор.
Ново на Сител
-
Николоски: Пет нови авиолинии од скопскиот аеродром до Стокхолм, Мадрид, Бари, Келн и Прага
-
Поддршка за ранливите потрошувачи на енергија - обезбедени 42,3 милиони денари финансиска помош
-
Трамп: Трговскиот договор со Канада ќе биде тежок поради плановите за признавање на палестинската држава
-
Русите го зазедоа Часов Јар
-
Активни три пожари и еден под контрола од вкупно 28 регистрирани
-
Сообраќајка на патот Струмица-Берово
-
Во Собранието седница за пратенички прашања
-
Ќе се носи одлука за избор на народен правобранител, ќе се распише и оглас за претседател на ДКСК