Собранието ја избра Комисијата за прашања на изборите и именувањата
Собранието на Република Македонија на денешнoто продолжение на конститутивната седница со 62 гласа „за“, без воздржани и против, ги избра претседателот, заменик претседателот, членови и нивни заменици на Комисијата за прашања на изборите и именувањата.
За претседател на комисијата е избран Илија Димовски, за негов заменик Зоран Илиоски, а за членови Антонијо Милошоски, Крсто Мукоски, Даниела Рангелова, Димитар Стевананџија, Благица Ласовска, Горан Мисовски, Дамјан Манчевски, Петре Шилегов, Мухамед Зеќири, Ивана Туфегџиќ, Џеват Адеми и Зеќирија Ибрахими.
На гласањето по оваа точка не присуствуваа пратениците од коалицијата на ВМРО-ДПМНЕ.
По завршувањето на конститутивната седница Собранието треба да ја почна третата седница за избор на работни тела, по чие завршување треба да ја продолжи втората седница на која на дневен ред е избор на нова влада.
Предлог одлуката за основање на постојани работни тела на Собранието на Република Македонија, е поднесена од пратениците Горан Мисовски, Ејуп Аљими и Илија Димовски.
Седницата за избор на нова влада, што почна вчера, треба да заврши најдоцна до полноќ кога треба да се гласа за предложеното решение од мандатарот Зоран Заев со најмалку 61 глас.
Во новата влада, според предлогот-составот што го достави мандатарот Заев, министри ќе имаат СДСМ, ДУИ и Алијанса на Албанците, кои имаат мнозинство од 62 пратеници во 120-членото Собрание.
Ново на Сител
-
Поевтинуваат бензините и дизелот
-
Во спомен на младите загинати во пожарот во „Пулс“ започнува програмата „Лето во друштво“ во Кочани
-
Кривична против 34-годишен маж од Тетово, истепал едно лице и со нож му нанел убодни рани
-
14-годишно дете физички нападнато од група малолетници на трим патеката во Кисела Вода
-
Татко пријавил дека кавадарчанец вознемирувал и се заканувал на неговата малолетна ќерка
-
Мицкоски за изјавата дека УЧК имале праведна војна: Не може убиства од заседа да се праведна борба
-
На ГП Табановце се чека околу 30 минути, на ГП Богородица 20 минути, а на ГП Дојран 15 минути
-
Грета Тунберг и други активисти повторно ќе отпловат за Газа