Собранието ги изгласа измените на Изборниот законик, изборите на 5 јуни
Собранието на Република Македонија по полноќ, со 73 гласа „за“ и седум „воздржани“, како и 22 гласа „за“ и шест „воздржани“ од пратениците кои не се мнозинство во Република Македонија, го донесе Законот за изменување на Изборниот законик, по итна постапка, со кој се предвидува изменување на одредбата изборите да се одржат на 24 април 2016 година и се пролонгира датумот за 5 јуни 2016 година.
Исто така, со измените се предлага одложување на датумот за забрането платено политичко рекламирање кај радиодифузерите, печатените медиуми и електронските медиуми (интернет порталите). Сега се предвидува од 27 февруари 2016 година радиодифузерите, печатените медиуми и електронските медиуми, (интернет порталите) да не смеат да емитуваат, односно да објавуваат реклами финансирани од буџетот на РМ, од буџетите на општините и на Градот Скопје и на сите други лица на кои со закон им е доверено вршење на јавни овластувања.
Претходно, Предлог измените на Изборниот законик, по итна постапка, беа изгласани од членовите на собраниската Комисија за политички систем и односи меѓу заедниците и Законодавно - правната комисија.
Собранието на Република Македонија пред полноќ во рамките на 95-тата седница со 83 гласа „за“ и три „против“ ја донесе и Одлуката за изменување на Одлуката за распуштање на Собранието на Република Македонија, поднесена од пратениците од ДУИ и ДПА и пратеничката Лилјана Поповска.
Ново на Сител
-
Коалицијата „Европски фронт“ поднела тужба пред Управниот суд на решението на ДИК за прегласувањето во Желино
-
Македонските иселеници од Италија благодарни за честа искажана од претседателката Сиљановска Давкова
-
Претрес во Скопје, приведени двајца дилери
-
Мицотакис: Очекувам јасна изјава од новиот премиер дека името е Северна Македонија и ќе го користи во и вон земјата
-
Папата употребил навредлив термин за геј популацијата, Ватикан експресно се извини
-
Царинска управа на Србија: На преминот Прешево спречен шверц на черепи на девет дивокози и од волк
-
Средба на Мицкоски со Мануел Сарацин, потенцирана важноста за реформските процеси
-
Албанските медиуми: Африм Гаши нов претседател на Собранието на Северна Македонија, поддржан од победничката ВМРО-ДПМНЕ