Со посвојување на клупа до поубав изглед на градот

Здружение кое се грижи за изгледот на центарот на Прага, со интересна идеја, давање на посвојување на старите поставени клупи успева да го смени изгледот на познатиот Вацлавски плоштад, јави дописникот на МИА од чешкиот главен град.

Заинтересираните, засега тоа се членовите на Здружението, плаќаат 280 евра, старата штица на клупата се заменува со нова, а на неа се врежува цитат кој ќе го одбере или измисли посвоителот.

Акцијата засега има голем интерес и веќе се сменети речиси половина од клупите.

Се планира проширување на кругот на посвоители, да можат да бидат и граѓаните кои за тоа ќе изразат желба и кои тоа ќе го сторат бидејќи клупата ги потсетува на првиот состанок со симпатијата, младоста или некој друг настан.