Снежна бура ги затвори патиштата на границата на Калифорнија и Невада

Голема снежна бура во планините Сиера Невада затвори голем дел од виталниот меѓудржавен пат Интерстејт – 80 во Калифорнија, откако силни ветрови и обилни дождови ги погодија пониските надморски височини, оставајќи десетици илјади на луѓе без струја.

Во некои области се очекуваат и до три метри снег.

Метеоролошката служба на Невада соопшти дека денеска очекува обилен снег со „висока до екстремно висока опасност од лавина“ до недела навечер низ централниот дел на планинскиот масив Сиера Невада, вклучувајќи ја и пошироката област на езерото Тахо, која секогаш е туристичка атракција.

Калифорниските власти затворија 100 милји од патот I-80 поради силните ветрови и слабата видливост. Сè уште не е познато кога автопатот повторно ќе се отвори на границата меѓу Калифорнија и Невада.

Локалната електродистрибуција вчера соопшти објави дека 24.000 домаќинства и претпријатија останале без струја.

Националниот парк Јосемити е затворен.