Смртоносна песочна бура го зафати Блискиот Исток
Силна песочна бура, невообичаена за овој дел од годината, неделава го зафати Блискиот Исток, прекривајќи ги со прашина Бејрут и Дамаск и убивајќи најмалку две лица во Либан.
Поради невремето прекинати се воздушните напади во соседна Сирија, каде петмина лица наводно загинале поради лошото невреме.
Населението од регионот објави фотографии на социјалните мрежи на кои се гледаат големи облаци прашина. Смртоносната бура е со такви размери што може да се види од вселената, наведува „Раша тудеј“.
НАСА објави фотографии од бурата што предизвика проблеми со дишењето и намалување на видливоста во делови на Либан, Сирија, Кипар, Израел и Ирак, поради што се затворени и училиштата.
Либанското министерство за здравство изјави дека 750 лица се хоспитализирани поради проблеми со дишењето и побара локланото население да излегува надвор само со заштитни маски.
Сириската државна агенција САНА објави дека три лица во централната провинција Хама загинале во песочна бура, како и дека над 3.580 лица побарале здравствена помош во неколку болници.
Ново на Сител
-
До петок нестабилно време со дожд и грмежи, за викендот стабилно и топло
-
Јаневска: Во септември ќе има учебници за основно образование и за средно во најголем дел
-
Синдикатот на полиција во Македонија поднесе кривична пријава против поранешниот министер за внатрешни работи
-
Радев: Политиката на Скопје е насочена против европските принципи
-
Поднесена кривична пријава против Самка Ибраимовски за закани и повици за насилство кон судија на Уставниот суд
-
Марк Руте е новиот генерален секретар на НАТО
-
Штипјанец и гевгеличанка лишени од слобода поради дрога
-
Анкета на ИПИС: Мицкоски најпопуларен политичар, граѓаните очекуваат новата власт да биде подобра од претходната