Словенија денес ја добива првата голема пратка заштитна опрема

Словенечките власти најавија дека денес во земјата ќе пристигне првата голема пратка заштитна опрема за коронавирусот.

Во пратката има милион и пол хируршки заштитни маски и друга заштитна опрема.

На некои места во земјата се појавија недостатоци од заштитна опрема, па повеќе болници беа принудени опремата да ја распоредуваат според моменталните потреби, односно ако една здравствена установа има вишок на маски, истите ги испраќаше во друга болница каде што тие недостасуваа и обратно.

Новата заштитна опрема ќе биде распредена прво таму каде што е најпотребна.

Инаку, Владата на седница се очекува да донесе предлог-закон за интервентна поддршка и одложено плаќање на кредитните обврски имајќи во предвид состојбата со коронавирусот. Според најавите ќе се донесат и нови одлуки за набавка на медицинска и заштитна опрема.