Словенија би можела да ја избрише Хрватска од листата на безбедни земји
Словенија уште утре би можела да ја стави Хрватска на листата со земји кои не се безбедни од зараза со Ковид-19, изјави портпаролот на словенечката Влада, Јелко Кацин.
– Доколку во Хрватска бројот на заразените со коронавирус достигне десет на 100.000 граѓани, тогаш Словенија ќе биде принудена да ја избрише соседна Хрватска од листата на безбедни земји, нагласи Кацин.
Тој истакна дека нема намера да им сугерира на Словенците да не патуваат во Хрватска на одмор, но ги предупредува граѓаните да бидат внимателни, особено младите.
Кацин тврди дека Хрватска направила грешка бидејќи ги укинала сите ограничувања кои се однесуваат на ноќните клубови, рестораните и дискотеките, кои се посетени и од голем број словенечки туристи.
Словенија поради порастот на бројот на заразените ја модификува мерката за собирање на јавни места и од сегашните дозволени 500 ги намали на 50 лица. Исклучок се големите манифестации, како на пример концерти на отворено.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка