Скопјани спречија уништување на скоро два милиони евра
Заврши перформансот „Свири крај“ во кој граѓаните симболично спречуваа дробење на народните пари.
За време на перформансот на плоштадот „Македонија“ во Скопје, парите се уништуваа симболично, додека во реалноста тие навистина се уништуваат преку корупција, која е насекаде околу нас. Тоа се случува пред нас, не сопира и не спие. Затоа, перформансот се одигрува во транспарентна кутија, покажувајќи им на сите видлив, но истовремено и недопирлив процес.
Недопирлив, сè додека граѓаните, со своите постапки и кревање глас, тоа не го променат. Овој пат, тие тоа го сторија со активно учество во перформансот, притискајќи го копчето „СВИРИ КРАЈ!“ на корупцијата и со својот чин заштедија повеќе од 111 милиони денари.
Пари, што можат да се инвестираат во изградба или реновирање на училишта, едукативни и забавни центри за млади, институции за грижа на стари лица и инвалиди, центри за деца со попреченост.
„СВИРИ КРАЈ!“ е дел од едукативната и информативна кампања што Регионалната антикорупциска иницијатива ја спроведува со финансиска поддршка на Европската унија, во рамките на проектот „Прекини ја тишината“: Зајакнување на политиките и културата на укажувачите на земјите од Западен Балкан и Молдавија“.
Регионалниот проект, поддржан од Инструментот на ЕУ за претпристапна помош (ИПА) има за цел да им помогне на партнерите во владиниот и невладиниот сектор на земјите-кориснички да ги подобрат каналите за обелоденување и механизмите за заштита на укажувачите, да го зајакнат капацитетот на граѓанското општество за поддршка на укажувањето и да ја зајакнат јавната свест за важноста на укажувањето во борбата против корупцијата.
Зоран Јаневски
Ново на Сител
-
На камењарот на Пелистер се извлекува повреден македонски планинар
-
Земјоделците да ги наводнуваат културите, особено пролетните, окопните и индустриските, велат агрометеоролозите
-
Сашко Кедев го освои и Гашербрум I, тој е првиот Македонец што ги искачи сите 14 врвови над 8 000 метри
-
Пиштол и муниција пронајдени во домот на скопјанец
-
Во Србија лани 183 лица завршиле зад решетки поради економски криминал
-
Лондонската полиција приведе 55 лица на митингот на забранетата организација „Палестинска акција“
-
Активни пожари во Желино, Василево, Македонски брод и Прилеп
-
Бројот на жртви по превртувањето на туристичкиот брод во Виетнам се искачи на 38