Скопјанец обвинет за убиство при семејно насилство
Основното јавно обвинителство Скопје поднесе обвинение против едно лице од Скопје поради убиство на жена со која живеел во своето домаќинство и побара да му биде продолжен притворот.
-По спроведена истражна постапка, Основното јавно обвинителство Скопје поднесе Обвинителен акт против едно лице за кривично дело убиство. Обвинетиот, на 10 мај во раните утрински часови, во куќа на улицата „Перо Наков“, при вршење семејно насилство, со умисла лишил од живот жена со која живеел во заедничко домаќинство и со која имал блиски лични односи. Тој со повеќе удари со раце и нозе во пределот на главата и по целото тело и нанел повеќе телесни повреди – хематоми и скршеници од кои кај неа се развил трауматски шок и настапила смрт, информираат од ЈОРМ.
Бидејќи постојат околности кои укажуваат на опасност од бегство и можност обвинетиот да ја попречува кривичната постапка со влијание врз сведоците, велат од Обвинителството, надлежниот јавен обвинител на Судот му предложи да ја продолжи претходно определената мерка притвор за обвинетото лице.
Ново на Сител
-
Мицкоски: Навреме реализиран проектот бесплатни учебници
-
Лицата со попреченост излегуваат на протест во вторник
-
Десетици ракети лансирани од Либан кон северен Израел
-
Приведен дилер за издржување затворска казна од 18 месеци
-
Приведен криминалец осуден на три години и шест месеци казна затвор
-
Османи: Како што Србија изгуби во Косово, Русија ќе изгубат и во Украина
-
МЕ: Почнува издавањето Гаранции за потекло на енергија од обновливи извори
-
НБ: Усвоен кварталниот извештај за ризиците во банкарскиот сектор