Симулација за ширењето на коронавирусот во Словенија

Во Словенија е направена анализа и симулација која покажува дека епидемијата со коронавирусот во земјата може да заврши до крајот на април, јави дописникот на МИА од Љубљана.

Симулацијата ја направи доктор Матјаж Лесковар од Институтот Јожеф Стефан, а е создадена по едноставен точкест модел на епидемија. Користени се јавно достапните податоците за начинот на ширење на вирусот и како се развива болеста Ковид-19.

Дополнително Лесковар изработи и повеќе сценарија за ширењето на вирусот во услови на почитување и непочитување на социјалното дистанцирање. Според тие податоци доколку не се следат наредбите за изолација, бројот на заразени и заболени многу ќе се зголемува.