Симптоми на предупредување за срцев удар

Нова студија спроведена во болницата „Седар Синаи“ во Лос Анџелес укажува на присуство на знаци на предупредување во текот на 30 дена пред да настапи срцев удар.

Овие симптоми се јавуваат кај речиси половина лица кои подоцна ќе доживеат срцев удар, а вклучуваат и болки и притисок во градите, останување без здив, палпитација, мачнина и болки во половината и стомакот.

Овие симптоми се јавуваат и нешто подоцна, обично околу 24 часа пред срцевиот удар.

Помалку од петина пациенти кои доживеале вакви симптоми побарале помош на лекарите пред срцевиот удар, додава стручното списание „Annals of Internal Medicine“.

Во новото истражување се користени податоци собрани од 840 пациенти на возраст од 35 до 65 години.