Симболично беа закроени винови лози во Бегниште во организација на Здруженија на лозари и енолози
Симболично закројување на винови лози беше реализирано денеска на лозјето на фамилијата Спанџови во атарот на кавадаречкото село Бегниште, а во организација на Здруженијата на винари и за поддршка на производите од грозје и туризмот „Винотек“ и „Напредни лозари”.
Со тоа, како што беше речено, се негува традицијата од тој крај, во кој се произведува надалеку познато квалитетно грозје, од кое се прават извонредни вина и ракии.
Закројувајќи ја првата лоза, Александар Клинчаров појасни дека според обичаите, ритуалот се започнува со погача, босилек, маџун, вино и ракија.
– Погачата ја претставува родноста, свеќата ја симболизира поддршката од Бога која е секогаш неопходна и во која се верува, босилекот значи заштита од болести и штетници, со маџунот посакуваме грозјето да биде благо и од него да направиме убави вина и ракии, појасни тој.
Претседателот на „Винотек“, Јован Еленов и директорот на организацискиот одбор Панче Арсовски, нагласија дека на овој ден посакуваат родна година, бериќет и благосостојба.
На лозјето кај Бегниште денеска имаше многу тиквешани но и гости од други региони и од странство.
Пред почетокот на настанот, со едноминутно молчење беше оддадена почит кон загинатите од вчерашната сообраќајна несреќа.
Ново на Сител
-
Манчестер Сити четврти пат по ред шампион на Англија
-
За личниот живот и 30 годишната кариера со Суперхикс | Петар Младеновски | Sitel Podcast 038
-
Се урна хеликоптерот во кој патуваше претседателот на Иран
-
Велешанец собирал печурки, во коленото му влегол проектил од огнено оружје
-
Пронајдени мигранти од Ирак и Турција
-
Возач и сопатничка повредени во сообраќајка на експресниот пат Штип-Радовиш
-
Мицотакис ја повикува Силјановска Давкова да избегне „слични незаконски и провокативни“ постапки
-
Стабилна состојба на работникот, кој се здоби со тешки повреди во лифт во штипски угостителски објект