Свет
11. December 2019 - 14:16

Силни ветрови направија хаос во Шкотска: Камион оддуван од патот, друг падна врз полициско возило

Ветрови проследени со дожд и грмежи во Велика Британија дуваа и до 100 км/час, а на автопатот А1 се преврте камион кој потоа смачка полициско возило.

Несреќата се случила на автопатот меѓу Хадинтон и Дунбар во Шкотска кога полициско возило пренасочувало сообраќај. Ветерот тогаш го оддувал камионот од патот.

Друг камион потоа се превртел врз полицискиот автомобил. Полицаецот кој дошол на местото на настанот е полесно повреден.

„Мора да го затвориме А1 веднаш. Камион само што се преврте врз моето патролно возило. А вчера го исполирав“, твитна шефот на полицијата Стјуард Карле.

Метеоролозите за подрачјето на Англија и Шкотска издадоа жолто предупредување дека силни налети од ветер веројатно ќе предизвикаат доцнење во железничкиот и аптниот сообраќај.