Швеѓанка го држела својот син во заробеништво 30 години
Седумдесетгодишна жена е уапсена во Стокхолм бидејќи го држела својот син во заробеништво 30 години, соопштија полицијата и обвинителството.
Маж на возраст од 40 години во многу лоша состојба бил пронајден од својот роднина, изјави за „Ројтерс“ обвинителката од Стокхолм, Ема Олсон, велејќи дека тој се наоѓал во станот можеби 30 години.
Шведските медиуми го цитираа роднината кој го затекнал човекот како лежи на ќебе на подот, тој бил без заби, не можел да зборува, а телото му било покриено со рани и чиреви.
„Сега е во болница … Знам дека му треба операција“, рече Олсон, која не даде други детали за неговата состојба.
Весникот „Експресен“ и другите медиуми објавија дека синот бил изваден од училиште на 12-годишна возраст. Покрај него на ѕидот имало два календара од 1995 и 1996 година, а станот бил преполн со неред, рече роднината, пренесуваат медиумите.
Мајката ги негира обвиненијата за заробеништво и сериозна телесна повреда, се вели во изјавата на Олсон.
Засега нема објаснување зошто синот бил држен во заробеништво.
Полицијата, предупредена од персоналот на болницата, опколи стан во областа Ханкинг во Стокхолм заради истрага.
„Истражуваме колку долго бил затворен синот, претпоставуваме многу долго“, изјави портпаролот на полицијата за „Ројтерс“.
Ново на Сител
-
Герапетритис: Граѓаните на Северна Македонија не би сакале да се стават во опасност односите со Грција и ЕУ перспективата на земјата
-
Преодно стабилизирање на времето се очекува во петок
-
Косово и САД потпишаа договор за борба против манипулирањето на информации од други држави
-
Вучиќ најави дека утре ќе отпатува во Њујорк за да се спротивстави на усвојувањето на резолуцијата за Сребреница
-
Лидерите на „ВРЕДИ“ на средба со Албин Курти
-
Нетанјаху го обвини Ганц дека „му дал ултиматум на премиерот, наместо на Хамас"
-
Маск пристигна на Бали поради планираната достапност на интернет услугата Старлинк
-
Првата официјална посета во странство на претседателката Сиљановска Давкова во Ватикан и Рим