Шведска: Маскирани напаѓачи фрлаа молотови коктели на синагога

Маскирани напаѓачи со запаливи бомби ја гаѓаа синагогата во Гетеборг, само неколку часа по протестот во Малме поради одлуката на американскиот претседател Доналд Трамп да го признае Ерусалим за главен град на Израел.

Нападот се случил синоќа, после 22 часот, а напаѓачите на синагогата фрлиле десетина Молотови коктели во момент кога во неа се одржувала забава на еврејската младина. Присутните, поради нападот, морале да се сокријат во подрумот до пристигнувањето на полицијата.

Во нападот никој не е повреден, а шведската полиција утрово приведе тројца осомничени.