Штрајк во грчките медиуми поради кратења во здравствениот фонд

Грчките медиуми започнаа 24 часовен штрајк поради неуспешните преговори меѓу Владата и медиумските компании за спас на здравствениот осигурителен фонд ЕДОЕАП.

- Ја повикуваме Владата да преземе одговорност и веднаш да изнајде решение на проблемот бидејќи илјадници наши колеги имаат право на лекови, здравстена заштита и здравствено осигурување, изјави претставник на Синдикатот на новинари на Атина, кој организатор на протестите.

Фондот, преку кој голем број новинари добиваат здравствена заштита, се соочува со неликвидност и новинарите стравуваат дека ќе им биде ускратена здравствената заштита.