Штрајк во грчкиот транспортен сектор заради планирната приватизација

Вработените во двете најголеми грчки пристаништа денеска почнаа 24-часовен штрајк, информира електронското издание на грчкиот весник „Прото тема“.

Вработените протестираат против претстојната продажба на мнозинските делови во пристаништата во Пиреја и Солун. Тие бараат да запрат приватизациските процедури и овие евентуални продажби да се разгледаат со претставници на Владата, локалната администрација, политичките партии... 

За денеска е планира протестна прошетка до зградата на Агенцијата за приватизација.

Против приватизацијата протестираат и вработените во железничкиот транспорт и метрото во Атина, соопшти телевизијата „Скај“. Поради штрајкот ќе има промени во возниот ред на возовите и градската железница. Метрото нема да сообраќа од 21 часот вечерва.