Штајнмаер: Назначувањето на Борис Џонсон покажа дека Меј работи на Брегзит

Германскиот министер за надворешни работи Франк Валтер Штајнмаер изјави дека одлуката на британскиот премииер Тереза Меј да го назначи Борис Џонсон за министер за надворешни работи покажува дека таа работи на тоа Велика Британија да излезе од Европската унија. 

- Тоа го гледаме како јасен сигнал дека новиот британски премиер ќе ги почитува резултатите од референдумот и оти ќе дојде до напуштање на ЕУ, рече Штајнамер за германската телевизија Цет-Де-Еф. 

Германскиот министер за надворешни работи изјави дека Џонсон е итар политичар со доволно искуство. 

- Се надевам дека тој својата задача ќе ја разбере во насока дека Вепика Британија треба да одржува разумни односи со ЕУ, а исто така и со Германија, додаде Штајнмаер.