Шпанската поморска служба спаси 117 мигранти

Шпанската поморска служба за спасување соопшти дека спасила 117 мигранти кои со шест чамци се обиделе да го преминат Средоземно море.

Во најголемиот од чамците имало 55 мигранти, кои биле забележани од авион на Европската гранична контрола.

Илјадници мигранти од Африка секоја година се впуштаат во ризик да го преминат Средоземно море во надеж дека ќе стигнат до европскиот брег. Најчесто се префрлуваат со мали чамци кои не се подобни за пловидба на отворено море.