Шпан: Патувањата во ЕУ ќе бидат можни и без потврда за вакцинација
Германскиот министер за здравство Јенс Шпан смета дека летниот одмор во рамките на Европската унија ќе биде можен и без потврда за вакцинација со негативен тест за коронавирус, пренесуваат германските медиуми.
– Во рамките на Европската унија, патувањата, најверојатно, повеќе нема да зависат од вакцинацијата. И со помош на тестирање ќе биде можно да се движите низ Европа, изјави министерот Шпан за „Рајнише пост“.
Тој рече дека нема да патува во остатокот од светот.
„Во оваа последна фаза од пандемијата, ќе отстапам од патувања во оддалечените делови на светот. Накратко речено: Северно Море наместо Тихиот Океан”, рече Шпан.
Бундестагот, по Долниот дом на германскиот Парламент, вчера ја одобри владината уредба со која на вакцинираните против коронавирусот им се дозволува одредено ослободување од мерките против пандемијата.
Според уредбата, која треба да стапи на сила утре, лицата кои биле целосно вакцинирани, како и луѓето кои го преживеале коронавирусот, се изземени од обврската за строго ограничување на личниот контакт, забрана за движење во текот на ноќта, како и од обврската за приложување негативен тест.
Вакцинираните исто така ќе бидат ослободени од досега задолжителниот карантин по враќањето од странство. Исклучок се повратниците од таканаречените области каде што има и други соеви на вирусот, како Индија, Бразил или Јужна Африка.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри