Шок: Сестрата ја убила Јасмина па ја криела во замрзнувач 19 години, уапсена жена (45) за убиство кое го потресе регионот

Хрватската полиција во саботата вечер ја уапаси 45-годишната жена која е осомничена за убиство на Јасмина Доминиќ, чие тело 19 години по исчезнувањето е пронајдено во замрзнувач во семејната во селото Паловец.

Како што јавуваат тамошните медиуми, во саботата вечер, под сомнение за убиство е уапсена 45-годишна женаод подрачјето на Општина Мала Суботица.

Според неофицијалните информации, станува збор за сестрата на Јасмина Доминиќ, С.Д. од Паловец, родена 1974 година.

„Мислам дека е пронајдена во замрзнувачот во подрумот. Јасмина не беше ни висока, ни силна, па претпоставуваме дека не било тешко да се пикне во замрзнувачот. Згрозени сме, зошто тие цело време живееја во таа куќа, а често и поминувале покрај него. Дали можеби зетот одел по месо, или барал по замрзнувачот, не знаеме точно. Се ежиме кога само и ќе помислиме на тоа“, велат мештаните од улицата во која е и куќата на Јасмина.

„Кога слушнавме дека им е исклучена струјата во куќата почна ужасно да смрди. Некој отиде да провери во замрзнувачот и го пронајдоа телото завиткано во целофан“, рече друг сосед.