Шмит од денеска и официјално е висок меѓународен претставник во БиХ
Германскиот политичар Кристијан Шмит од денеска ја презема функцијата висок меѓународен претставник за Босна и Херцеговина, на местото на Австриецот Валентин Инцко, кој ја извршуваше функцијата во последните 12 години.
Шмит вчера пристигна во Сараево, каде што се наоѓа неговата канцеларија.
Канцеларијата на високиот претставник (ОХР) е ад хок меѓународна институција одговорна за надзор над спроведувањето на цивилните аспекти на Мировниот договор од 1995 година, со кој заврши војната во Босна и Херцеговина.
Според Анекс 10 од Општиот рамковен договор за мир, ОХР има статус на дипломатска мисија во Босна и Херцеговина.
Високиот претставник, исто така, има овластување да наметнува закони, таканаречени „бонски овластувања“, но целта е да се користат што е можно помалку и да се стимулираат домашните политичари да бараат решенија. На тој начин, домашните институции се подготвуваат за еден ден земјата да излезе од меѓународен надзор.
Но, 26 години по завршувањето на војната во БиХ, најголема во Европа од Втората светска војна, во која загинаа 100.000 луѓе, вклучително и геноцидот во Сребреница, демократијата во таа земја е се уште кревка: воените злосторници се уште се слават како херои, законот е на ниско ниво, додека корупцијата го еродира општеството во целина, коментира Ал Џезира Балкан.
Во пресрет на неговото пристигнување во БиХ, искусниот германски политичар рече дека изминатите десет години во таа земја биле обележани со постојано назадување и дека таквиот тренд мора да се промени, а меѓународната заедница мора активно да учествува во него. Тој откри дека предлогот тој да стане висок претставник во БиХ е директна идеја на многу влијателната германска канцеларка Ангела Меркел. Европската унија, поддржана од Вашингтон по победата на Џо Бајден на претседателските избори минатата година во САД, прави дополнителни напори за Западен Балкан, каде претензии имаат и другите светски сили, како Русија и Кина, посочува Ал Џезира Балкан.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација