Шилегов: Промената на имињата на улиците е активен процес, прво треба да излезат во Службениот гласник потоа стапуваат во сила
Градоначалникот на Град Скопје Петре Шилегов денеска присуствуваше на доделување на признанија за средните училишта на Град Скопје. На прашањето кога ќе се започне промената на таблите на улиците, мостовите и плоштадите и која е неговата реакција на изјавата на советничката група на ВМРО-ДПМНЕ дека судски ќе ги оспорува имињата, Шилегов истакна дека се работи за активен процес, кој треба да се спроведе согласно одлуките донесени на вчерашната седница на Советот на Град Скопје.
-Прво треба да излезат во Службениот гласник на Градот, а потоа стапуваат во сила и ќе започнеме да ги решаваме тие проблеми. Во однос на реакција на советничката група на ВМРО-ДПМНЕ за наводни законски грешки и судски пат, Законот во член 8 предвидува две ситуации во кои што не можете да користите таква одлука, а тоа е најмалку шест месеци пред закажани избори и спроведување на попис, посочи тој.
Градоначалникот Шилегов истакна дека одлуката е донесена на 30 март, а изборите се одложени за втора половина на октомври.
-Ги повикувам ВМРО-ДПМНЕ да научат основна математика. Во однос на пописот се зборува за планиран односно редовен попис. Овој попис што беше најавен за сега, а е одложен за во септември е вонреден и не е планиран, изјави Шилегов.
Тој додаде дека ќе Град Скопје ќе изврши нарачка на соодветни табли за таму каде што е предвидено да се заменат и нема посебен план од каде би започнала промената на таблите.
Ново на Сител
-
Хоспитализирани уште три лица со голема кашлица, вкупно 631 заразени
-
Бостон прв финалист во НБА плејофот
-
Денеска ќе се одржи Конститутивна седница на парламентарниот состав 2024-2028
-
135 сообраќајни санкции во Скопје
-
Повеќе од 20 лица загинаа во големите бури во САД – 300 илјади луѓе останаа без струја
-
Министрите за одбрана на ЕУ ќе разговараат за помошта за Украина и одбранбената индустрија
-
Прва седница на новиот парламент во Техеран по смртта на претседателот на Иран
-
Советот за безбедност на ОН ќе одржи итен состанок по нападот во Рафа