Шилегов: Град Скопје нема ингеренции во дислоцирање на дивоградбите
Скопскиот градоначалник Петре Шилегов денеска изјави дека Град Скопје за жал нема ингеренции во дислоцирање на дивоградбите и оти согласно легислативата таа надлежност е на општина Центар.
- Очекувам дека соодветните органи во соодветни постапки ќе ги донесат решенијата и согласно нив понатаму ќе биде статусот на тие дивоградби, рече Шилегов, одговарајќи на новинарско прашање на глобалното одбележување на 5 Јуни - Светскиот ден на животната средина во Градскиот парк во Скопје.
Според него, проектот „Скопје 2014“ и неговата нелегалност е видлива и додаде оти за тоа зборувале и кога биле опозиција.
- Град Скопје под свои ингеренции има исклучиво пет споменици, од кои веќе еден отстранивме, а за останатите во тек е постапката. Ги имаме и оние чудовишта од галии во коритото на реката Вардар за кои веќе водиме постапка, а јас морам да водам сметка и за буџетските средства и да ја намалам штетата која ќе може да се предизвика на буџетот на Град Скопје, рече Шилегов.
Тој соопшти дека еден по еден ги решаваат проблемите кои, како што рече, наталожени се премногу, но нема да отстапиме од доследноста.
- Очигледно е дека постапките и процедурите се прекршени. Постојат можности, стручната јавност се изјасни, или да се срушат или да се легализираат. Одлуката веројатно ќе треба да ја донесат надлежните институции и Град Скопје се става на располагање со целиот свој потенцијал да партиципира во носење на таа одлука, рече Шилегов.
Ново на Сител
-
Клековски: За само една година направиме две промени во позитивната листа , го зголемивме и бројот на ин витро постапки од 3 на 6
-
Мајор уапсен за шпионажа: Наводно доставувал информации на Русија за украинските борбени авиони
-
Над 100 луѓе се убиени во израелски напади во Појасот Газа за еден ден, соопштија здравствените власти во енклавата
-
Сиљановска-Давкова до Бирн: Ирска да продолжи да се залага за кредибилен процес на пристапување базиран на заслуги
-
Жители на Русиново остануваат на терен по синоќешниот пожар кај месноста Св Марко кој е локализиран
-
Министерот Тошковски присуствуваше на отпочнување на процесот за полагање на испит за ракување со оружје
-
Илјадници обожаватели се простија од Ози Озборн
-
Трамп воведува 25 отсто царина на индиска стока, критикувајќи ги врските со Русија