Шестмина заразени во ракометната репрезентација, повикан Георгиевски

Корона вирусот предизвикува големи проблеми во националниот ракометен тим кој треба да игра квлаификациски дуели за ЕП 2020 против Финска и Швајцарија. Последниот рапорт од федерацијата е дека тројца ракометари и три тренери се позитивни на Ковид-19 и ќе ги пропуштат двете средби.

Уште првиот ден беше познато дека Брестовац остана без два члена на стручниот штаб откако Матлиески и Царчев беа позитивни, а исто така и без Марио Танкоски.

Денеска после новите тестирања и Раде Стојановиќ, кој требаше да биде во стручниот штаб исто така е позитивен, како и уште двајца ракометари, Мартин Велковски и Мартин Поповски.

Сите шестмина мораат во изолација и ќе бидат надвор од репрезентацијата за оваа ЕХФ недела. Последната информација е дека селекторот Брестовац на местото на Поповски го повикал искусниот Гоце Георгиевски да помогне за овие средби.