Шест нови известувања од МВР за настаните во Собранието
Во изминативе неколку дена Единицата за насилен криминал при СВР Скопје до Основното јавно обвинителство Скопје поднесе шест известувања за преземените активности околу расчистување на настаните од 27 април годинава во Собранието на Република Македонија.
Доставено е посебно известување за поднесена кривична пријава против А.К. за сторено кривично дело „учество во толпа што ќе изврши кривично дело“. Во домот на А.К. по извршен претрес се пронајдени предмети важни за кривичната постапка. Предметите се одземени и по извршеното вештачење дополнително ќе бидат доставени до Основното јавно обвинителство Скопје.
Доставено е и известување за извршени разговори со повеќе новинари, како и со М.П., а се однесуваат на кривично-правниот настан “убиство“ (во обид) извршен над пратеникот З.С. Воедно е извршен претрес во домот на еден новинар при што се пронајдени и одземени предмети (фотоапарат, камера, УСБ, преносен компјутер, мобилен телефон и ДВД) кои може да послужат во кривичната постапка. По извршеното вештачење предметите ќе бидат доставени до Основното јавно обвинителство Скопје.
ОЈО Скопје е известено во врска со утврдување присуство на странски државјанин во Собранието за две кривични дела “учество во толпа што ќе изврши кривично дело“ и “учество во толпа што ќе спречи службено лице во вршење на службено дејствие“. Од извршениот преглед на доставените видео материјали е констатирано дека се работи за Г.Ж., српски државјанин. Утврдено е дека во временскиот период од 22:04 до 00:11 минути тој бил присутен во Собранието.
Секторот за внатрешни работи Скопје во консултација и соработка со Основното јавно обвинителство и натаму презема мерки и активности за настаните од 27 април и за обезбедување на преостанатите кривично пријавени лица, како и на идентификација и документирање и на други лица учесници во настаните.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.