Шест илјади граѓани примени во Отворените денови на Катастарот

Повеќе од шест илјади граѓани се примени во рамки на акцијата „Заеднички отворени денови на Агенцијата за катастар на недвижности и Управата за имотно-правни работи“. На една третина веднаш им бил решен проблемот, а останатите добиле правен совет.

Оваа акција се спроведува од 15 септември 2015, а ќе трае до 15 февруари годинава. Стручните тимови на Катастарот и на Управата за имотно-правни работи досега посетија 30 одделенија низ државата. Освен во одделенијата за Катастар и Управата за имотно-правни работи досега се организирани средби со граѓаните од општина Сопиште, Драчево-Кисела Вода, Љубин-општина Сарај, Бардовци-општина Карпош...

Отворени денови денеска се реализираат во оштина Илинден, а граѓаните на едно место ќе можат да прашаат за нивните проблеми и за потребната документација.