Шефот на дипломатијата Димитров во посета на Финска
Министерот за надворешни работи Никола Димитров, во рамки на регионалната посета на нордиските земји, денеска ќе престојува во работна посета на Хелсинки.
Димитров вчера беше во Стокхолм каде се сретна со министерот за надворeшни работи на Кралството Шведска Маргот Валстром.
На средбата е усвоена Декларација за соработка меѓу Република Македонија и Кралството Шведска, со која, како што соопшти МНР, се потврдува поддршката за нашите стратешки цели и се утврдуваат полињата од заемен интерес за градење на понатамошна поконкретна соработка.
Министерот Димитров, како што информираат од неговиот кабинет, на средбата со својата шведска колешка ја потенцирал цврстата определба на реформската Влада за враќање на земјата на патот на европските интеграции, трасиран преку реални и темелни реформи во областите од суштинска важност и спроведување на политика на отворен дијалог со сите свои соседи, базирана на европските вредности и принципи, како и дека враќањето на влијанието и поддршката од нашите европски пријатели е клучна во таа смисла.
Валстром изразила силна и недвосмислена поддршка за активностите на новата македонска Влада за брзо ревитализирање на европската перспектива на Македонија и уверила дека Шведска е искрено заинтересирана за зголемување на конкретната помош во области што се најкорисни за нашата реформска агенда.
Од МНР информриаа дека на покана на министерот Димитров е договорена возвратна посета на Валстром на Македонија оваа есен.
Во рамки на својата посета на Стокхолм, министерот Димитров остварил средби и со првиот заменик-претседател на Парламентот на Кралството Шведска Тобиас Билстром, со членови на парламентарната Комисија за европски прашања, како и со високи претставници на Институтот СИПРИ, меѓународниот центар Олаф Палме и Социјалдемократерна.
Нордиската турнеја министерот за надворешни работи Димитров ќе ја заврши утре со посета на Осло.
Ново на Сител
-
Свечља: Вучиќ ќе биде затворен ако се обиде без дозвола да влезе во Косово
-
ИНСТАТ ја коригираше грешката, на прегледот за пописните резултати напиша Македонци
-
До 14 часот на изборите за нов лидер на СДСМ гласале 28,61 отсто од регистрираните избирачи
-
Мицкоски на средба со Перински и Димитриеска Кочоска: Со ребаланс на буџетот ќе обезбедиме 250 милиони евра за инфраструктурен развој на општините
-
Бериша: Албанија нема повеќе од 1,4 милиони население
-
Од вторник повторно нестабилно време со пороен дожд и грмежи
-
Дачиќ: Синагогата во Белград е можна првична мета на терористичкот напад во Белград
-
Северна Кореја: Односите меѓу Јужна Кореја, САД и Јапонија се развија во азиска верзија на НАТО