Шаќири: Во Скопје три и пол години нема ништо освен козметички зафати

Состојбите мора да се подобруваат, не смее да живееме со тоа “ајде можеме“. Јас овој град го сакам, треба со лична заложба и пример да се средуваат состојбите, кажа Бени Шаќири, кандидат за градоначалник на Скопје во Студио 10 на ТВ24.

-Три ипол години нема ништо во Скопје, а сега само козметички зафати. Мотивите не треба да се бараат од Бени, сам граѓанинот нека прошета и ќе види. Се можам да разберам, ама можеа барем една церада (зградата на ЕСМ) да стават. Јас како човек кој си го сака својот град, локал патриот, не ми е сеедно. Да не зборуваме колку ѓубре има во градот. Воздухот е валкан, и сите деца го дишат тој воздух. Скопје стана сив град, кој не дише, не пулсира, вели Шаќири.