Шахпаска во Берово на доделување дозвола на домот за социјална заштита за стари лица „Д-р Иван Влашки“
Министерката за труд и социјална политика Јагода Шахпаска денеска ќе се обрати на доделувањето дозвола за вршење дејност од социјална заштита за давање на социјалната услуга помош и нега на Општинската јавна установа за социјална заштита (ОЈУСЗ) „Д-р Иван Влашки“ во Берово.
Со ова, како што соопшти МТСП, ќе биде означен почетокот на давањето на оваа нова социјална услуга за 60 лица од територијата на општина Берово со навршени 65 години, а кои не се во можност сами да се грижат за себе.
Освен министерката Шахпаска, на настанот ќе говорат и градоначалникот на Берово Звонко Пекевски, Марија Цикарска, вд директор ОЈУСЗ „Д-р Иван Влашки“.
Развојот на оваа социјална услуга, како дел од спроведувањето на сеопфатната социјална реформа во земјава, е финансиран од Проектот за подобрување на социјалните услуги, што го спроведува Министерството за труд и социјална политика, со поддршка на Светска банка. Услугата има за цел да го подобри и одржи здравјето на старите лица во нивното семејно окружување преку помош во извршувањето на активностите од секојдневниот живот, се додава во соопштението на МТСП.
Популарно од Македонија
Ново на Сител
-
10 годишно дете гризнато од глушец во скопски Капиштец
-
Скопските градоначалници ќе бараат помош од колегите во другите градови за да го соберат ѓубрето
-
Тема на денот со Орце Ѓорѓиевски, кандидат за градоначалник на Скопје од ВМРО-ДПМНЕ
-
Притвор се бара за шест лица, а за деветнаесет мерки на претпазливост за злоупотреби во прилепската болница
-
Сведоци на обвинителството се откажуваат од прогон на онкологот Васев
-
Преполните контејнери и расфрланиот смет се потенцијална “бомба” за заразни заболувања
-
Кој колку би освоил на парламентарни избори?
-
Касами ветува поддршка за ДУИ во Кичево, очекува гласови од интегративците во останатите општини
