Северна Кореја истрела уште две балистички ракети
Северна Кореја истрела две балистички ракети со краток дострел кон морето во близина на источниот брег, соопшти војската на Јужна Кореја.
Ова е четврто лансирање на Пјонгјанг за една недела, што ги подигна тензиите на Корејскиот Полуостров, каде што морнарицата на Јужна Кореја, САД и Јапонија вчера одржаа заеднички противподморнички вежби првпат од 2017 година и откако американската потпретседателка Камала Харис го посети регионот оваа недела.
Две ракети со краток дострел беа лансирани од Сунан, северно од Пјонгјанг, главниот град на Северна Кореја, се наведува во соопштението на Генералштабот на армијата на Јужна Кореја.
Во соопштението се прецизира дека проценетиот дострел на ракетите бил 350 километри и дека летале на височина од 30 километри со брзина од шест маха.
Јапонската крајбрежна стража извести за најмалку два теста на Пјонгјанг за кои се сомнева дека се балистички ракети.
– Ракетите прелетаа 400 и 350 километри, достигнувајќи височина од 50 километри, изјави јапонскиот министер за одбрана Тоширо Ино.
Токио поднесе протестна нота до Пјонгјанг преку дипломатски канали, рече Ино, додавајќи дека ракетите најверојатно летале по „неправилна траекторија“ и биле дизајнирани да го избегнат ефектот на противвоздушната одбрана.
Американската индо-пацифичка команда соопшти дека е запознаена со лансирањето на балистичките ракети и оцени дека тие не претставуваат непосредна закана за американскиот воен персонал или територија или нивните сојузници.
Исто така, се наведува дека САД остануваат цврсто посветени на одбраната на Јапонија и Јужна Кореја.
Северна Кореја истрела проектили пред и по посетата на американската потпретседателка Камала Харис на Јужна Кореја, со што се зголеми веќе рекордниот број на тестови на оружје оваа година, а Пјонгјанг, исто така, го изврши првиот тест на интерконтинентална балистичка ракета оваа година од 2017 година.
По повод 74-годишнината од вооружените сили на Јужна Кореја, претседателот Џун Сук-Јол ги осуди, како што рече, неодамнешните воени провокации на Северна Кореја и вети дека ќе ги засили заедничките воени вежби со САД.
Специјалниот претставник на Јужна Кореја за мир и безбедност на Корејскиот Полуостров, Ким Гун, имал телефонски разговори со своите американски и јапонски колеги, во кои, како што рече, заеднички ги осудиле ракетните тестирања на Пјонгјанг.
Советот за безбедност на Обединетите нации воведе санкции кон Северна Кореја поради балистички ракети и нуклеарни тестови.
Пјонгјанг ги отфрла санкциите како кршење на нивното суверено право на самоодбрана и истражување на вселената.
Ново на Сител
-
СЕХА: Вардар ја отвори сезоната со победа против Партизан
-
Рагби легендата Брејди се повлекува од терените
-
Африм Гаши: Компромис е можен, но прво да завршат преговорите помеѓу СДСМ и Алијанса за Албанците
-
Малолетник избодел 18 годишно момче по кавга за девојка
-
Земјите-членки на ЕУ ќе обучуваат дополнителни 15.000 украински војници
-
Претрес во Скопје, пронајдени дрога и муниција, приведено едно лице
-
Алијансата за Албанците: За влез во Владата преговараме за ресорите правда и здравство
-
Потврдена смртта и на пилотот на грчкиот воен авион што се урна во понеделникот