Сеул: Северна Кореја изврши проба со нуклеарна бомба со моќност од 10 килотони

Владата на Јужна Кореја соопшти дека Северна Кореја извршила петта нуклеарна проба, јавија локалните медиуми.

– Според нашите анализи, Северна Кореја извршила проба со нуклеарна бомба со моќност на експлозијата од околу 10 килотони, изјави претставник на јужнокорејското Министерство за одбрана.

Тоа е најмоќната нуклеарна проба извршена од Пјонгјанг досега.

Властите во Северна Кореја потврдија дека е извршена нуклеарна проба.

Пјонгјанг ја оквалификува пробата како успешна и изрази уверување дека нивните сили се способни да монтираат јадрени боеви глави на балистички ракети. Во соопштение објавено на државните медиуми се вели дека нуклеарната проба е извршена за да се спротистави на „непријателствата на САД“.

Државната телевизија нагласи дека при нуклеарната проба нема регистрирана радијација и нема последици за животната средина.