Сенатот на САД го одобри новиот секретар за национална бебзедност

Американскиот Сенат синоќа го одобри именувањето на Кирстјен Нилсен за нова секретарка за национална безбедност на САД.

Американскиот претседателот Доналд Трамп ја номинираше Нилсен на местото на генералот Џон Кели, кој беше именуван за шеф на неговиот кабинет.

Нилсен беше блиска соработничка на Кели во Министерството за национална безбедност.

Таа е втора жена на чело на Министерството за национална безбедност на САД, по Џенет Наполитано. која ја извршуваше оваа функција од 2009 до 2013 година.

Министерството беше создадено како одговор на терористичките напади на 11 септември 2001 година и негова цел е да се справува со заканите врз безбедноста на САД.