Сенатот на САД гласа за доделување пакет од 40 милијарди долари помош за Украина

Американскиот Сенат денеска гласа за одобрување на пакетот помош од 40 милијарди долари за Украина.

Мерката вклучува пари за воена опрема, обука и оружје за Украина и надополнување на помошта во американска опрема испратена до земјата во нејзините напори да се справи со руската окупација, но и финансиска помош за да им се помогне на другите земји кои помагаат во Украина.

Пакетот, исто така, вклучува милијарди долари хуманитарна помош, вклучително и парична помош за справување со глобалниот недостиг на храна предизвикан од конфликтот во Украина.

Претставничкиот дом на САД со големо мнозинство минатата недела гласаше за усвојување на пакетот.

Доколку и Сенатот ја усвои мерката, таа ќе оди кај претседателот Џо Бајден во Белата куќа за негов потпис.

Засега еден сенатор, републиканецот Ранд Пол, има изјавено дека нема да го поддржи вака формулираниот пакет помош.