Сеидбата во Кумановско завршена на над 50 проценти кај индивидуалните земјоделци

Сеидбата во општините Куманово, Липково и Старо Нагоричане, е завршена на над 50 проценти од планираните површини кај индивидаулните земјоделци, а кај претпријатијата изнесува 60 проценти, изјави денеска Насер Даути,раководител на подрачната единица на МЗШВ.

На подрачјето на трите општини со житни и фуражни култури треба да бидат насеани 21.150 хектари, од кои 11.000 со пченица, 6.850 со јачмен, 300 со рж, а 1.250 хектари претпријатијата и земјоделците ќе насеат со фуражни култури.

Периодот на стабилно време без врнежи овозможува непречена сеидба на подрачјето на општините Куманово, Липково и Старо Нагоричане, соопштија денеска надлежните од подрачната единица на Министерството за земјоделство, шумарство и водостопанство.