СЕХА: Вардар со минимална победа над Цеље

Ракометарите на Вардар ја остварија и 11.та победа во СЕХА лигата откако вечерва во СЦ „Јане Сандански“ го победија словенечкиот првак Цеље со 31:29. „Вардарци“ во текот на целиот натпревар водеа, а гостите предводени од извонредниот на голот во вториот дел Урбан Лесјак (вкупно седум одбрани), кој имаше серија одбрани во 58.минута изедначија на 30:30. Сепак во последните минути Вардар стигна до победата и се зацврсти на првото место на табелата.

Игор Карачиќ од Вардар и Лука Жвижеј од Цеље со по 6 голови беа најефикасни во своите екипи. Арпад Штербик натпреварот го заврши со 12 одбрани.

На другите два натпревара одиграни денеска во Вараждин Загреб го победи актуелниот шампион Веспрем со 27:23, додека Мешков Брест на домашен терен беше поуспешен од Татран Прешов со 33:25.

Табела: Вардар 35 бодови, Мешков Брест 26, ППД Загреб 25, Веспрем 22, Цеље 21, Горење 12, Татран Прешов 10, Нексе 8, Металург 7, Извиѓач 3.