-->
-->
СЕХА: Трета победа за Вардар
-->
Ракометарите на Вардар во третиот меч од новата сезона во СЕХА лигата ја забележаа третата победа и со максимални девет бодови се на врвот на табелата. Синоќа во СЦ „Јане Сандански“ „црвено-црните“ го совладаа Нексе со 31:28.
Вардар го отвори мечот со водство, имаше 5:2 по 10 минути игра, но минутите кои следеа му припаднаа на Нексе. Неколкуте грешки во додавања, гостите од Хрватска ги искористија за брзи контранапади и четири гола во серија. Поведоа со 8:6, а предноста ја задржаа десетина минути. Тогаш Вардар почна да игра подобро во одбраната, со Тимур Дибиров напред во зоната 5-1 и тоа вроди со плод. Нексе не успеа да даде гол до крајот на првото полувреме кое заврши 13:10 за Вардар.
И почетокот на второто полувреме му припадна на македонскиот шампион. На 15 минути до крајот вардарци ја имаа највисоката разлика (23:16). Сепак, борбените ракометари на Нексе постигнаа пет гола во низа и се доближија на 24:22, но немаа сили за целосен пресврт.
Вардар на овој меч беше без повредените Александар Деревен, Филип Лазаров и без Петар Ангелов.
Следен меч за тимот предводен од Раул Гонзалес е првиот од Лигата на шампионите, против Монпеље на 20 септември.
-->
-->
-->
Ново на Сител
-
Ангелов: Силниот ветер ја влоши состојбата со пожарот во „Јасен“, но не се повлековме и ги сопревме пламените јазици
-
Претседателката Сиљановска-Давкова ќе ги отвори 64. Струшки вечери на поезијата
-
Во Албанија откриена прва статуа на Исус Христос во стилот на бразилската скулптура
-
Се уште активен пожарот во „Јасен“, изгаснати 12, еден под контрола
-
Турција ги затвори пристаништата за израелските бродови
-
Кривична против двајца поранешни раководители на АД Пошта за „несовесно работење во службата
-
Службеник од општина Шуто Оризари присвоил од општинскиот буџет 3.600.000 денари
-
Запленета поголема количина цигари без бандероли и дробен тутун во Тетовo, приведени две лица