-->
-->
СЕХА: Металург загуби од Мешков Брест
-->
Ракометарите на македонскиот вицешампион Металург го забележаа и третиот пораз во СЕХА лигата откако попладнево на домашен терен загубија несреќно од Мешков Брест со 25:24. За екипата од Белорусија ова беше втора победа и се проби на третото место на табелата зад Вардар и Цеље.
Во изедначеното прво полувреме гостите од Белорусија имаа водство и од два гола, но резултатот најчесто беше изедначуван (осум пати). Металург на полувремето изедначи со голот на Милош Драгаш во последната секунда од првото полувреме. На почетокот на вториот дел Мешков Брест резултатски „се одлепи“ на четири гола разлика (20:16). Македонскиот вицепрвак сепак успеа да изедначи во 49.минута на 21:21. Во завршницата беа постигнати малку голови. Најпрвин во последнта минута Растко Стојковиќ постигна гол од седмерец за 25:24 за Мешков Брест што се покажа како решавачки, а последниот напад на Металург заврши во блокот на протоивничките играчи.
Кај Металург Никола Костески со 7 голови и Филип Талески со 6 беа најефикасните.
На вториот натпревар одигран попладнево Извиѓач – Цеље 31:32, додека вечерва се игра и натпреварот Нексе – Татран Прешов.
Табела: Вардар 10 бодови, Цеље 9, Мешков Брест 7, Веспрем 6, ППД Загреб 3, Горење 3, Металург 0, Татран Прешов 0, Нексе 0, Извиѓач 0.
-->
-->
-->
Ново на Сител
-
Експресни победи на Синер и Швјонтек на Мастерс турнирот во Синсинати
-
Пораз од Романија за македонските кадетки на ЕП во Црна Гора
-
Странските криминалци осудени во Велика Британија веднаш ќе бидат депортирани
-
Советот за безбедност на ОН свика итна седница поради планот на Израел за окупирање на градот Газа
-
Голем пожар на југот на Албанија, евакуирани села
-
Акциска контрола во Скопје: Казнети 99 возачи, приведени двајца малолетници, санкции за угостителски објекти
-
Од вкупно 22 пожари на отворен простор низ државата, активен е само пожарот во Националниот парк Јасен
-
Стармер и Макрон ветија дека ќе работат за праведен и траен мир во Украина